الأحد، 8 فبراير، 2009

أنا كويتي....

أنا كويتي ولي الفخر أني أكون كويتي...
أنا كويتي وما فيه أحد مثلي أنا كويتي..
أنا كويتي لي متى البدون والوافدين يعيشون بجنتي أنا كويتي..
أنا كويتي لي سافرت بره الكويت أحسسهم أني كويتي...
مو مهم أذا أنا فاشل ولا ناجح المهم اني كويتي..
منو هذول الوافدين ألي مخلين المستوصفات والمستشفيات زحمه ؟؟؟
لازم أنا لي مستوصف بروحي ومستشفى بروحي تدرون ليش لأني كويتي...
أنا كويتي أذا ماعجبني أحد هددته بالتسفير من الكويت ..
أنا كويتي أييب العماله السائبه وأهدهم بالشارع وبالأخير ما أدفع لهم رواتبهم ..وأذا باقوا ونهبوا أقول لا بارك الله فيهم ناس مجرمين وما يستحون ليش يسوون بالكويت جذيه وانسى نفسي لأني كويتي...
أنا كويتي أذا سافرت بره للعلاج ولا للدراسه ولا سياحه أبي كل شي على هواي لأني فهيم وكويتي...
أنا كويتي شايف نفسي أذكى مخلوق على الأرض لأني تربيت بالكويت ...
أنا كويتي مو مهم أني أعامل الخدم بطريقه زينه بس المهم انهم يكرفون بالبيت عشان ألقى بيتي نظيف وحمامي نظيف وفراشي نظيف...
أنا كويتي أفتر بالشارع ولا أقعد بالديوانيه ولا القهوه ريل على ريل وأحلل مشاكل العالم كلها وأسب ألي مايعجبني وأحب ألي يعجبني ..
أنا كويتي مو محتاج أقرى خرابيط بالكتب واستفيد معلومات لأن ألي قاله لي الوالد والوالده أهو الصح ليش اتعب نفسي بش متعب؟؟
وأذا شفت واحد يقرى أقول ولا أنه فاضي أكيد قاعد يقرى شي تافه مثله...
أنا كويتي لي دخلت مكان لازم اكون أنا سيد القعده وأنا ألي أسولف وأستعرض معلوماتي وتفاهاتي ووين رحت ومنو رقمت وشلون خزيت البنات وشلون أنها ذابت من كلامي الحلو....
أنا كويتي أركب سياره ألمانيه وغيري أذا ركب أمريكي ولا ياباني أقل من 6000 دينار يعني هذا ولد فقر وما منه فايده ...
أنا كويتي آخذ قرض عشان أصير تاجر وأداحر الناس بالبورصه ولازم أسوي نفسي فاهم بكل الامور الأقتصاديه ولا ما أطلع كويتي...
بالأخير أقول :
مهما كانت مصايبي ومشاكلي أحمد ربي أني كويتي؟؟؟؟؟؟؟؟؟؟؟

هناك 6 تعليقات:

Mo يقول...

Being a Kuwaiti has become better than being a Muslim nowadays
Nationalism is a useless ideology intended on keeping people blindly loving a piece of land

It's a piece of land YOU IDIOTS!

live for yourselves, not for a piece of land

rai يقول...

مقال قوي عزيزي زراديشت وبالصميم لا املك اي تعليق سوى افتخر بانك كويتي :)

Dr. Blue يقول...

العزيز زراديشت
معاك بافاد صاحب مدونة ظواهر سلبية... بحلة جديدة!

ياخوي إحمد ربك إنك كويتي!
أحسن من الدول المتخلفة والرجعية إلي إيتلاها ربك بشعوب همجية نفس السويد والنرويج وفنلندا... يالله لا تبلانا

مستفسط يقول...

يجب أن تتعب أكثر لتصل لمرحله السعودي والقطري ...

zaradacht يقول...

mo:
اوافق الراي ببعض ماقلته واخالفك ببعض ما قلته لكن بالنهايه لك حريه القول وانا احترم رأيك وأهلا وسهلآ بك بمدونتي المتواضعه

راي:
تسلم يا عزيزي

dr.blue:
اهلا يا عزيزي انت وينك؟؟
اي والله احمد ربي اني مو من الشعوب المتخلفه مثل السويد والنرويج

مستسفط:
أي واله لازم اتعب اكثر عشان احتقر الناس اكثر
واهلا وسهلا فيك

Spontaneousnessity يقول...

never generalize, as bad as it sounds, some of us are still good for the sake of being good