الأربعاء، 13 أغسطس 2008

مزاجي مو رايق بالمره

بالأمس وانا كنت بأحد المجمعات التجاريه أتمشى مع شله الاصدقاء وكان معانا بنات حواء نضحك ونتسوق..

شفت منظر غريب ؟؟؟

كان عباره عن 4 شباب ملتحين يتمشون ويقفون الشباب ألي تسريحاتهم غريبه أو لبسهم غريب .. استغربت بصراحه من تصرفاتهم؟

ويوم دخلت احد المحلات ياني واحد من هالملتحين ومسكني وقالي:

هو: السلام عليكم يأخي بالأسلام..

أنا: اهلا وسهلآ

هو: وعليكم السلام هذي رد تحيه الأسلام التي علمنا أياها الرسول ..

أنا: خير آمر في شي ؟

هو: من هؤلاء الذي معك؟ ( هذا ألي قاله بكل وقاحه)

أنا: ربعي وأنت شكو ليش فيه شي؟؟

هو: نعم هناك لأنكم تسيرون مع بنات ؟

أنا: وانت شكو مره ثانيه؟؟ منو حطك مسؤول عني؟ ( للأسف أصحابي مو كوتيين لذلك كانوا ساكتين)

هو: ألم تسمع بأنه الدين هو النصيحه؟

أنا: أنت مالك شغل بأحد فهمت ونصايحك خلها لنفسك؟ أنا أعرف مصلحتي فهمت ولا تبي أعيد؟

هو: يأخي انت يظهر عليك في ضلال ( تنرفزت بصراحه) ولا تريد مشاهده طريق الحق؟

أنا: قلتله لو سمحت وخر عني لا تشوف شي مايسرك

ملاحظه: 2 من ربعه يوا لعنده بعد ماخلصوا من شباب كلموهم.

هو: أنت كويتي والكويتيين ناس أهل دين وعقيده ليش تمشي مع هالأشكال ألي يخربونك شوف الكويتيين شلون يدافعون عن دينهم وعقيدتهم بكل مكان.

أنا: أقول يا أخ أمش أحسلك ولا تدري شلون انا ألي بمشي هذا ألي ناقصني نصيحه من أشكالكم.

هو: أنطر شويه أنطر ( وكان ماسك أيدي)

أنا: قتلك هد أيدي لا تشوف شي ما يسرك.

أهنيه ربعي تدخلوا وكان الأخ يقول لهم انتوا مالكم دعوه هذا ولد ديرتي وأبي أتفاهم وياه.

بالأخير يوم مشيت عنه الأخ قام يراقب وين أروح ووين أيي.. قله أدب بصراحه.

وهالشي لازم ما ينسكت عنه اليوم بالسوق باجر ببيوتنا ...

والشي الثاني ألي يطرح نفسه أكيد تكلموا مع وافدين وأرهبوهم بكلامهم القذر؟؟

لأن وحده من البنات ألي معانا قالت انه مره كلموها بجمعيه وقالوا لها انت هذا ألي لابسته حرام ومايجوز ولازم تتوبين ومن اخر هالكلام..

عشان جذيه أنا بهديهم هديه صغيره لعلهم يتقون.

هناك 16 تعليقًا:

MaCHBoS يقول...

للأسف عزيزي زاردشت نفس ما صار باختي بالحمام بس ياريت لو تقولي اي مجمع و متى الصبح ولا بليل بمر بشوف المصخره الدينيه مو الصحوه الدينيه

BLonDDyKe يقول...

ابي واحد يقولي جذي والله العن اللي يابوه لان ريجي يتحول تكرم تفال و طق بالجوتي و اشلع لحيته بإيدي , اصير عليه (بروس لي) على (جاكي شان).
اخوي هذول ما يمشي معاهم الى اسلوب السب هذول حتى لو ادوس عليهم يحبون هالشي, ناس غريبه!!
هههههه عاد ابي واحد يقولي جذي سواء واحد او وحده العن والديها ((كافره بنت ابليس)) لأن اسلوب محترم ما يمشي اكرر ما يمشي معاهم هالحثاله و اذا سالفه النصيحه ما ابي واذا داش جهنم انادي الربع منها سمره و تشمس اصير برونزيه ههههههه مع ابليس و معاي مجبوس عاد بروحه فصلــــــــه!! هههههههه
تدري ليش ينصحون جيوبهم فاضيه ههههه
ولا يهمك اخوي هذه حيوانات يديده اطلعت بس تعال شصار على بكيمونات
تحياتي

غير معرف يقول...

صج ولا حلم ؟
بليز قول حلم

Arfana يقول...

لا لا لا تتغشمر!!! أكيد تتغشمر!!!!

زين ليش ما قلت له: مبروك أخي في الإسلام، ضمنت لك بنت هاوس في الجنة عقب ما لغوصت في حياتك لين قلت بس

أما أنا فكفاية علي دنيتي مع أشكالكم.. هذا اللي بيدخلني الجنة

واختم بشكرا حاول مرة أخرى

Mozart يقول...

مع امثال هؤلاء

البسطار هو الحل

guevara يقول...

machbos:
كانت السالفه بشوق شرق وكان الووقت تقريبآ قريب المغرب بس شكلهم يتنقلون من مجمه لي مجمع عشان الأجر

مثليه ولي الفخر:
هدى اعصابج هذول حرام فيهم شي أصلآ

حمودي:
للأسف كابوس بس حقيقي

arfana:
لا للأسف ما اتغشمر. وانا خل أؤمن بدينهم عشان أسمع نصيحتهم ولا اسمع لهم

mozart:
البسطار منه فايده هذول شنو فايدتهم؟

blacklight يقول...

كلمتين قولهم حق هالأشكال :
"اقلب وجهك"
وبس
لا تكدر خاطرك ولا تعور راسك

guevara يقول...

blacklight:
أنا ما يهموني هالأشكال بس لي متى نسكت لهم ؟؟
وثاني شي هذا مؤشر خطير على أنحدار الحريات الشخصيه وصمت الحكومه عنهم

Ω Suki Candy Ω يقول...

أمبيه انا مصدومة انته شاب و سوو فيك جذي عيل فمابللك بالبنات المو محجبات يما لا ماني مصدقه انزين دام انه المكان موزين ليش داشين الناقص يحطونلهم مكتب استعلامات اسلاميه و اخلاقية و يوقومون بشغل الداخلية للأسف اذا ماوصلت هالسالفه لي الشرطه راح يتمادون بصراحه

وتعال انته حر مع منو ماتطلع وناس احرار تسوي الي تريحها دام انته ماتعديت على الغير

yoohoo~~ يقول...

عزيزي زاردشت

يبدو لي انه في الكويت قد دقت الساعة او ان يوم القيامة بدأ فعلا ما يحدث لا يمكن السكوت عنه ولكن مع اقتراب رمضان و قروب فعالية لجنة الظواهر السلبية فانهم يتدربون الان حتى يبدأون باستخدام صلاحياتهم مع بداية رمضان و لو كنت مكانك ما رديت عليه من الاساس و عطيته اذن من طين و اذن من عجين و لا تعبرهم لانهم ما وراهم الا عوار الراس و الناس تبي تنسى و كلمة ثانية انا حر بحياتي وانا راضي ادش جهنم انته شكووووو يبا كيفي و ابي اسوي اللي يعجبني و يلا روح جاهد بافغانستان احسنلك.

تحياتي

حمّود راعي السيكل يقول...

عاد تصدق ياخوي

ودي أصدق هالقصة بس قوية

يمكن انت كاتبها عشان العبرة والموعضة (مو جنه تنكتب موعظة والا آنا غلطان؟)

شنو انت قاعد بالسعودية؟

ترى هم الجذب له أصول

شنو شايفنا هنادوة ونهز بروسنا ومصدقين؟

عاد تصدق ان الهنادوة أفهم منا, وأذكى

لووووول


مدونتكم حلوة وراح أتابعها

guevara يقول...

tranquility:
عادي توقعي كل شي اليوم بروحهم باجر وياهم وزاره الداخليه

maow:
يبدو انها دقت الساعه وهذول ما يؤمنون بالحريه عشان تكون انت ولا انا حر بتصرفاتي.

حمود راعي السيكل:
أول شي يشرفني أنه تتابع مدونتي
وثاني شي هالقصه حقيقيه ولا اخترعت شي من بالي.
ثالث شي أحنا صرنا ألعن من السعوديه
روح لأي محل بالافنيوز او شرق او المرينا مول وأسأل الي يشتغلون أذا دخل عليهم واحد ملتحي وقال لهم سكروا الموسيقى ولا قال لهم لا تحطون تماثيل بره بالفترينه.
وخل أيي معرض الكتاب وشوف شنو يسون مع دور العرض ينبشون بالكتب ويسوون صيحه والاعلام وقتها تخاف وتسحب الكتب
يا عزيزي احنا كل ومالنا نرد قري

Shaden يقول...

انتو عن وين تتكلمون
عن الكويت والا السعودية

؟؟؟؟

واقعى يقول...

ماشاءالله خوش قصه مشكور بس السؤال اللى يفرض نفسه اخوى وهو شلون عرف ان اصحابك غير كويتيين على قولتك لانه عند تدخل اصحابك ردو عليهم بانه انت وهم كويتيين ولادخل لغير الكويتيين شلون اكتشفم حلوه؟

مكان للعبث يقول...

"الطريق الي جهنم ممهدة بالنوايه الحسنة"
لكن هم جعلوا الدنيا جهنم.

مــعـــارض يقول...

الظاهر لاعبين دور "وكالة الله على الأرض"!!

قبل جم سنة، صار نفس المقوف تقريبا عند مدخل مركز سلطان في السالمية. واحد ملتحي شكله يلوّع الجبد قضب زند وحدة كويتية ويقولها "تحجّبي واحتشمي يا مرأة، يا ويلك من الله"... آنا من طبعي مالي شغل بأحد بس بذمّتك، تقدر تسكت عن هالسافل؟؟؟
كان معاي أخوي الصغير اللّي مات من الخوف من المنظر البشع!
ما قدرت أقضب روحي، مسكت الحيوان من دشداشته وقلتله يهد البنت ويذلف!... رد علي: اتق الله آنا رجل دين أقدم النصيحة للمنحرفين دينياً وأخلاقياً أمثالك وأمثال البنت المنحرفة!
أهو قال جذيه، جان أنفجر وأطيح فيه طققققققق!! وحكرته بالقاع لين خلّيت أخوي يتصل على الشرطة. وقدّمنا آنا وأهل البنت شكوى عليه!


دير بالك تسكت أو تعاملهم بالطيب مرة ثانية!!!