الأحد، 31 أغسطس 2008

منو أنا؟؟؟

حبيت اعرفكم عن نفسي شويه قبل شهر رمضان.. ألي الكل راح يصومه وأتمنى أنه تعودونه كل سنه وكل يوم وساعه ودقيقه وثانيه..
الأسم: مو مهم شنو تبي أتناسبني؟

الحاله الأجتماعيه: مريح راسي من الزواج ..

العمر: كثر ماتبي أنا راضي

المهنه: موظف بالحكومه أعاني من وقت الفراغ (لوعندي شغل جان سويت مدونه؟؟)

مكان الميلاد: المفروض بالشاميه بس الوالده مادري شنو ألي وداها مستوصف السالميه؟؟

الهوايات: أحب الموسيقى والقراءه وساعات احب الحش بالأوادم..

ملامحك الجسديه: قصير ومتين وشعري خشن ( جنه ليفه جدور) وضروسي أمفججه كل فجه تقول كراج وعيوني سوده ولون بشرتي أجلح وأملح يعني بالكويتي مو مترقع.

ملامحك الشخصيه: مينون عايش بوسط ناس ومجتمع كلهم صاحيين.. أنا من الناس الي ينقص عليهم بسرعه.. واصدق كل شي.. وألي أشوفه على طول أقول عنه خوش ولد .. وأحب أكل وايد خاصه التشريب والقبوط والهريس والجريش وورق العنب والمجابيس.. وأحب أفتر بسيارتي القرمبعه من مكان لي مكان .. وأحب أروح عند حلاقي أختيار كل اسبوع عشان يسشور شعري المجعد.. وأحب أقرى وأسمع سوالف الزيادات بالمعاش لأن الراتب على قد الحال.. وأقعد على النت وايد عشان الشات والهذره وأدخل مواقع ألي فيها تعارف عشان أتعرف على بنت .. واحب النوم وايد واكره ألي يقولي باجر ورانا شغل ..

أحلامك الشخصيه: احلامي كلها تعيسه وتضيق الخلق
مشاريعك المستقبليه: ولا مادري الجيب خالي وفاضي وما فيه ميزانيه عشان اتاجر ولا اسافر.. ولا انا ودي أتاجر بشربت بيذان..
بالنهايه هذا انا وماراح أتغير وشكرآ لكم أنكم قريتوا البوست الأكثر من رائع ...




هناك 16 تعليقًا:

غير معرف يقول...

مبارك عليكم الشهر
:)
------------
الي قاعد تتكلم عنه بالبوست كويتي ؟ لان مواصفاته اول مره اشوف منها
p;

MaCHBoS يقول...

علينا و عليك حمودي =)


لووووول مادري شقووول لووول

lwatan-ajmal يقول...

والله مواصفاتك مال تعطيها حق خطابه :)
بس عاد تحقه ييلك نصيب بشهر رمضان وتتزوج ... اعتقد محد سواها

ملاحـظـة يقول...

مبارك عليك الشهر
وايد احب اغينة زياد اللي انت حاطها


اما بوستك
مو طبيعي شلون بسيط و جميل

وايد نتشابهه ...بس اكيد مو بالشكل
:)

guevara يقول...

حمدي:
لا الي قاعد اتكلم عنه شبه كويتي

machboc:
المهم رسمنا الابتسامه على شفايفك

لوطن اجمل:
اهو فيه خطابه رضت فيني؟؟

ملاحظ:
اهلا بتشرفيك وتعليقك بمدونتي الفاشله والكحيانه وشي حلو انه فيه شي حطيته وعجب الاوادم وشي طبيعي انه ما نتشابه بالشكل :)))

blacklight يقول...

على كل اللي قلته عن نفسك وانا متاكد أنك تبالغ يشرفني التعامل والتعاطي مع عقلك :)

guevara يقول...

بلاك نايت:
تظل دائما اخ عزيز وانا معجب ببوستاتك البسيطه والرائعه

kuwaitya_7saweya يقول...

والنعم فيك
D:

guevara يقول...

كويتيه- حساويه:
ينعم بحالج شرفتينا

الجوري يقول...

شكلك متعقد من الدين

انا بعد

بس مو مثلك بايعها

حط احتمال 50% انك صح
وحط احتمال 50% انك غلط

واذا صار يوم القيامة شترد

انا المفروض اكفر اكثر من كل الناس من الي شفته

بس ما كفرت

صج صرت منافقة يدام اهلي شي وبروحيي شي
بس لمن اكون بروحي الحين مثلا بلندن ادرس
اصلي واصوم

وما اشرب


انا مادري عنك وعن ربعك

والظروف

بس فكر فيها فيفتي فيفتي

MaCHBoS يقول...

زاردشت
رسمت البسمه على شفايفي و اتشرف و اضع وسام على صدري اني اتابع مدونتك


الجوري
اتوقع معلقه تعليق "سوقي" بمدونة عتاوية الفريج بس حفظنا سمعتج اليديده و ما سويتها publish و اذا سالفت دين ليش حاطه بريتني اليست كافره نصرانيه فاجره عاهره فاسقه ؟
و الان الاغاني من فعل الشيطان

الجوري يقول...
أزال المؤلف هذا التعليق.
BLonDDyKe يقول...

هههههههه البوست ضحكني عجيـــــــب!
ثانيا تعال ما ذكرت "مهند" بروحه مطلعله هالعطر اليديد والبنات خبال مصدقين عمرهم, صج بالديره تمشي و تضحك
و ثانيا
"جوري" يا غلام ((مذكر)) بس راح احاجيك كمؤنث تصدقين انتي صج انسانة خلوقه و تربيتج عال عال بس اقوللج شي هاااا احمد ربي و اشكره لانج منخشه ورى الشاشه لاني اذا شفت شكلج!!!! تصير فيني سكتة *اهم شي ممكن نتعرف* يع يع يع يييييييييع *رجعت*
اهم شي (لندن) منصجج انتي ويه لندن خخخخخخخ قولي ويه باكستان و افغانستان كااااااك
بس عندي مثل حبيبتي

"يازين السرج على البــــقر"

in english
مو دارسه بلندن انتي وااااو!

"Cow is always a cow"

;)

guevara يقول...

الجوري:
تشرفت بمعرفتك هذا اولا
ثانيا انا مو متعقد من الدين لاني تركته من زمان وانا اخذت هذا الشي عن قناعه بعد ماقريت وشفت المكتوب
ثالث شي اذا على السالفه ففتي ففتي فانتي رديتي على نفسك كانه احنا الاثنين نلعب قمار انتي اتقولين ماذا لو فيه يوم قيامه وانا اقولج ماذا لو مافيه يوم قيامه؟؟

مجبوس:
انا اتمنى اشوف عتاويه الفريج على الحقيقه
:)))

جوري , مثليه ولي الفخر, مجبوس:
قعدوا عجال لا أحرمكم من الميراث
اغط يوم عنكم تصيرون شياطين
:)))

yoohoo~~ يقول...

اعطيتنا الحقيقة مجردة بدون نفاق او كذب و هذا مالا يقدر و لا يجرؤ الكثيرون على كتابته و ميري رمضان مع اني ما اصوم و عساكم بالطفحة المعدية*معدة* .

جوري

انا ملحد و لا اعترف بوجود رب او خالق و لايوم قيامة حتى لانها مجرد تخاريف صلعميه هدفها اخافة الناس فقط لا غير :)

تحياتي

مــعـــارض يقول...

!Merry Ramadan


شنو مؤهلك الدراسي؟ (;